1936
Unser Lieblingsblumdobb schteht mal wieder
Jetz in seiner wunderscheensten Bracht.
Jedes Jahr um diese Zeit da bliehtr
Un so hatrsch diesmal ooch gemacht.
Jeden Morchen schtaun mir nu uffs neie,
Wie där gleene Gerl sich Miehe gibt.
Sin geriehrt von seiner Wachsdumsdree.
Wehe däm. Där an de Blieten dibbt!
Die hamm alle burburrode Blättchen,
Bißchen heller nachn Rande hin.
Un mir bleim drbei: Im ganzen Schtädtchen
Gann gee eenzcher Blumdobb scheener sin.